Աշխարհի արդի 7 ամենատարօրինակ մասնագիտությունները
09.08.19Մենեջեր, գիդ, լուսանկարիչ, թարգմանիչ, հաշվապահ, միջոցառումների կազմակերպիչ, այգեպան…. Ցանկը կարելի է անվերջ շարունակել ու արտաբերել այս մասնագիտությունների անուններն առանց որևէ էմոցիայի (բացառությամբ այն փաստի, որ ոմանց մոտ կարող է արթնանալ հիացմունքի և/կամ հակակրանքի զգացողությունը): Սակայն արդի իրականությունում կան մասնագիտություններ, որոնց անգամ գոյություն ունենալու անհրաժեշտությունը զարմանք է առաջացնում, է՛լ ուր մնաց այդ մասնագիտությամբ զբաղվող անձիք տարօրինակ չթվան: Այսօր Ձեր ուշադրությանը կներկայացնենք աշխարի արդի 7 ամենատարօրինակ մասնագիտությունները:
Սիգարներն ըստ գույնի դասակարգող
Այս մասնագիտության տեր մարդիկ բացառիկ ունակություն ունեն (ի ծնե՞, թե՞ ընթացքում են ձեռք բերում). նրանք տարբերում են շագանակագույնի յոթանասուն երանգ: Էլ ի՞նչ մի դժվարություն գործը գերազանց կատարելու համար: Եվ այս ամենն արվում է սիգարի յուրահատուկ արժեքը գնահատողների համար: Եթե Դուք էլ եք սիգարի սիրահար, վստահ եղեք, որ Ձեր այս պահին վառած սիգարը դասավորել է սիգարներն ըստ գույնի դասակարգող մասնագետը:
Ականջ մաքրող
Ականջ մաքրողներն (աղջիկ կամ տղա) իրենց ծառայությունն առաջարկում են Չինաստանի բաղնիքներում: Մասնագիտությունը կարծես թե հուշում է աշխատանքի բնույթը…
Պինգվիններին շրջող
Այս մասնագիտությունը գուցե և Ձեր ժպիտն առաջացնի, բայց կարևորությամբ շատ ու շատ ՛՛սովորական՛՛ մասնագիտություններին չի զիջում: Պինգվինները մեջքի վրա ընկնելուց հետո ունակ չեն ինքնուրույն շրջվել: Իսկ Անտարկտիդայում աշխատող այս ՛՛տարօրինակ՛՛ մասնագետները փրկում են նրանց կյանքը:
Աճյունով նկարող նկարիչներ
Ամերիկյան ընկերությունն իր ծառայությունն է առաջարկում բոլոր նրանց, ովքեր ցանկանում են ունենալ աճյունով նկարված իրենց հարազատի նկարը: Եվ այս ընկերությունում աշխատում են աճյունով նկարող նկարիչներ:
Ներողություն խնդրող
Այս մասնագետներից կազմված թիմը իր գործունեությունը ծավալում է Southwest Airlines ավիաընկերությունում, որտեղ նրանք պաշտոնապես ներողություն են խնդրում դժգոհ հաճախորդներից (դժգոհությունն ուսումնասիրելուց հետո՝ 24 ժամվա ընթացքում): Նշենք, որ իր ոչ դրական բնույթի աշխատանքն իրականացնելու դիմաց մասնագետները բավականին լավ են վարձատրվում:
Գրկող
Կզարմանաք, երբ իմանաք, թե ինչքան մարդ կա, որ պատրաստ է $60-400 վճարի, որպեսզի իրեն գրկեն: Այսօր Cuddle Up to Me, Cuddlist և Snuggle Buddies ընկերություններն առաջարկում են այդ ծառայությունը, որն իրականացնում են մասնագիտացված գրկողները:
Գուշակություններով չորաբլիթների տեքստեր գրողներ
Չորաբլիթում գուշակությունների տեքստերը գրում են մասնագետները: Երբևէ կմտածեի՞ք, որ օրինակ` այս մասնագիտությամբ կարելի է աշխատել 30 տարի և անգամ համարվել ոլորտի լավագույն մասնագետը J: Իսկ նման մարդիկ գոյություն ունեն:
48 դաս 
3 օր շաբաթական 
